Moti i keq me reshje shiu që përfshiu rajonin e Lezhës që në orët e para të mëngjesit të sotëm ka boshatisur plazhin e Shëngjinit. Çadrat dhe shezlong u mbyllën dhe pushuesit nisën të largohen në mënyrë të menjëhershme nga plazhi.
Kjo situatë krijoi trafik të rënduar në Shëngjin dhe në aksion Milot-Balldre, ku në orët e paradites radha e automjeteve ishte kilometrike. E njëjta panoramë paraqitet dhe në Sarandë, ku nuk shihet 'këmbë' pushuesi.
Ndonëse jemi në fundin e sezonit turistik Shëngjini dhe Saranda kanë qenë masivisht të frekuentuara, por reshjet e sotme të shiut sollën një boshatisje të menjëhershme të plazheve. Përtej 'shqetësimit' që u krijoi pushuesve duhet thënë se në fakt këto shira ishin më se të mirëpritura për shuarjen e vatrave të zjarri në vend, që vijon të digjnin bimësinë prej javësh.
