Klubi i Futbollit të Romës shkarkoi këtë mëngjes trajnerin Daniele De Rossi. Tre barazime dhe një humbje këto katër javë nuk i kanë mjaftuar drejtuesve të Romës për të mbajtur në punë një legjendë të klubit si DDR.
Tanimë Roma ka gjetur akordin dhe seancën e radhës stërvitore e drejtoi trajneri i ri, Ivan Juric. Tekniku mbylli marrëveshjen me Torinon verën e 2024 dhe është i lirë.
I kontaktuar nga Roma, Juric pranoi marrëveshjen edhe pse kishte rivalë emra si Max Allegri apo Jurgen Klopp, të përfolur nga mediet. Juric do drejtojë Romën të paktën për këtë sezon, me kontratën që parasheh një rinovim nëse gjithçka shkon si duhet.
49-vjeçari kroat ka drejtuar klube si Crotone, Genoa, Hellas Verona dhe Torino. 3-4-3 dhe 3-5-2, këto janë skemat që luan Juric, me një futboll sulmues duke i dhënë besim elementëve të rinj.
