Prokuroria e Tiranës ka marrë 5 të pandehur për shpërdorim detyre për dëmtimet e tërmetit të 26 Nëntorit në Tiranë.
I pandehur është marrë edhe një subjekt juridik pasi një pallat që ai ka ndërtuar është dëmtuar nga tërmeti, sipas prokurorisë nuk ka respektuar standardet në ndërtim. Po ashtu të pandehur janë marrë është ish-zyrtarë të urbanistikës në Farkë, Ish shefi i zyrës Geron Cipi dhe dy ish-inspektor`.
Dosja për 5 personat ka vajtur në gjykatë për seancë paraprake. Ndërkohë që për të dyshuarit e tjerë çështja është ndarë nga prokuroria e kryeqytetit.
5 personat e mësipërm janë arrestuar në operacionit e janarit 2020, ku 31 persona u vunë në pranga dyshoheshin për shpërdorim detyre në lidhje me ndërtimet të cilat pësuan dëmtime serioze nga tërmeti i 26 nëntorit që goditi Shqipërinë, duke u shpallur objekte të pabanueshme në qarkun e Tiranës.
Mes të ndaluarve ishin edhe ish-kryekomunari i Farkës, Fatbardh Plaku dhe ai i Kasharit, Besnik Fuçia si dhe zyrtarë të tjerë që më pas u lanë të lirë.
