Një rrjet i shfrytëzimit të prostitucionit që drejtohej nga një 35-vjeçare është shkatërruar nga autoritetet italiane.
Në pranga janë vënë 4 persona, ndërsa janë në kërkim 5 të tjerë. Personat janë me origjinë shqiptarë, rumune dhe italiane, të cilët përveç prostitucionit merreshin edhe me trafik droge.
Mediat italiane raportojnë se në pranga është vënë shqiptarja Liljana Shoshari, 35 vjeçe, e cila drejtonte grupin e shfrytëzimit të prostitucionit. Po ashtu u arrestua edhe bashkëpunëtori i saj 61-vjeçari italian me origjinë kalabreze Ludovico Raffa, shqiptari 27-vjeçar Emiljano Osmani me detyrën e kontrollit të vajzave prostituta në rrugë si dhe shtetasja rumune Ionica Paun.
Të arrestuarit akuzohen për trafik e shfrytëzim prostitucioni, grabitje dhe trafik lëndësh narkotike.
