Haaland dhe Mbappe

Sport

Shkëlqeu në Botëror, Kylian Mbappe zbret 'nga froni' Erling Haaland! Bëhet futbollisti më i shtrenjtë në botë

24 Dhjetor 2022, 11:28| Përditesimi: 24 Dhjetor 2022, 11:32

  • Share

Kylian Mbappe është futbollisti më i shtrenjtë në botë. 180 milionë euro vlerësohet sulmuesi francez i PSG nga sajti i specializuar "transfermarkt". Në përditësimin e fundit dje, Mbappe i merr kështu vendin sulmuesit të Manchester City, Erling Haaland. 170 milionë euro është vlera e norvegjezit në treg, teksa sheh parakalimin e Mbappe.

Shkëlqimi me Francën në Botërorin e Katarit dhe çmimi i "Këpucës së Artë" ka bërë që Mbappe të jetë në majën e botës, duke lënë pas emra të rëndësishëm në futboll. Vlera më e lartë e Kylian Mbappe ka qenë 200 milionë euro në dhjetorin e 2018, teksa kërkesat për të janë nga Real Madrid, Liverpool, Manchester United apo edhe City.

Tanimë skuadrat e interesuara duhet të paguajnë shumën e majme te PSG për prishjen e kontratës, teksa 24-vjeçari ka marrëveshje deri në 2025.

S.Dh/ReportTv.al
Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?