Një medikament antigripal i modifikuar nga shkencëtarët rusë pretendohet se lufton infeksionin e koronavirusit.
Sipas shkencëtarëve rusë, 65 për qind e pacientëve të trajtuar në provat klinike janë shëruar tërësisht nga sëmundja
60 mijë doza të medikamentit “Avifavir”, i prodhuar nga laboratorët vendës në bashkëpunim me ata japonezë dhe i certifikuar nga autoritetet shtetërore, do shpërndahen këtë muaj nëpër spitalet e vendit.
Që nga 21 maji, 330 pacientë vullnetarë janë duke iu nënshtruar provave klinike për të pare efektet e mundshme anësore.
Të dhënat paraprake tregojnë se te 65 për qind e personave të trajtuar me pilulën eksperimentale, u arrit të bllokohej mekanizmi riprodhues i virusit dhe të largohej nga organizmi.
Avifaviri në fakt është një medikament i modifikuar i Favipiravirit, një tjetër ilaç antigripal i zhvilluar nga shkencëtarët japonezë në vitet 90.
