Në Shkodër u zhvillua një marshim sensibilizues për informimin dhe ndërgjegjësimin e grave dhe vajzave për parandalimin e kancerit të gjirit me moton: “Ia vlen të jetosh”!
Ambasadorët e akredituar në Shqipëri kanë zgjedhur Shkodrën për të dhënë mesazhe sensibilizuese në kuadër të Tetorit Rozë.
Nancy Van Horn, e ngarkuara me punë e SHBA-ve dhe ambasadori i BE-së, Silvio Gonzato ndanë me të pranishmit historitë personale të rasteve të të prekurve nga kanceri i gjirit.
I pranishëm në këtë marshim, Kryetari i Bashkisë Benet Beci i shoqëruar nga bashkëshortja, u ndal tek rëndësia e të qënurit të gjithë së bashku për të rritur ndërgjegjësimin e grave dhe vajzave për t’iu drejtuar institucioneve shëndetësore për të parandaluar kancerin.
Kjo ecje simbolizon fuqinë e bashkimit dhe mbështetjen që i japim për ti thënë "Po jetës! Së bashku mund të shpëtojmë jetë".
