Policia e Shkodrës ka arrestuar dy shtetas turq pasi kanë tentuar të kalojnë me dokumente false në pikën e kalimit kufitar në Muriqan. Malik Ejder, 36 vjeç, dhe Bayram Çekir, 34 vjeç, banues në Turqi, kanë nxjerë në sportelin e Muriqanit karta identiteti rumune.
Njoftimi i plotë:
Me datë 30.06.2018 , nga strukturat e D. V. K. M. është bërë arrestimi në flagrancë i shtetasve turk :
Malik Ejder , 36 vjeç, banues në Turqi.
Bayram Çekir, 34 vjeç, banues ne Turqi.
Arrestimi i tyre u bë pasi gjatë procesit të rregjistrimit në dalje nga Republika e Shqiperisë në P.K.K Muriqan janë paraqitur me kartë identiteti rumune, të cilat dyshohen të jenë të fallsifikuara.
Materialet iu referuan Prokurorisë pranë Gjykatës së Shkallës Parë Shkoder, për veprën penale “Fallsifikim i letërnjoftimeve, i pasaportave ose i vizave”, e parashikuar nga neni 189 Kodit Penal.
