Shkodër - Policia e Shkodrë ka asgjësuar 16,755 bimë të dyshuara narkotike kanabis në disa zona të qarkut.
Gjatë kontrolleve intensive në njësitë administrative Pult, Shalë, Postribë dhe Shosh, janë gjetur dhe shkatërruar 15,852 bimë kanabis, si dhe janë sekuestruar 320 kilogramë degë me boçe në proces tharjeje.
Në njësinë administrative Kastrat të Malësisë së Madhe janë asgjësuar 429 bimë të dyshuara, ndërsa në Shllak dhe Temal, në Vau i Dejës, janë shkatërruar 474 bimë të tjera.
Në këtë operacion nuk ka asnjë person të arrestuar. Policia vijon hetimet për identifikimin dhe ndalimin e autorëve të kultivimit kanabisit.
Njoftimi i policisë:
Në vijim të operacionit policor të koduar “Koordinata”, dhe si rezultat i kontrolleve intensive në të gjithë territorin e qarkut Shkodër, shërbimet e Drejtorisë Vendore të Policisë Shkodër dhe të komisariateve vartëse, në bashkëpunim me Forcat e Ndërhyrjes së Shpejtë Tiranë, të dislokuara prej disa ditësh në këtë qark, kanë gjetur dhe asgjësuar:
16 755 bimë të dyshuara narkotike Cannabis Sativa
320 kg degë me boçe të prera, në proces tharjeje, konkretisht:
Shërbimet e Komisariatit të Policisë Shkodër, gjatë kontrollit në terrenin e njësive administrative Pult, Shalë, Postribë dhe Shosh gjetën dhe asgjësuan 15 852 bimë të dyshuara Cannabis Sativa, si dhe sekuestruan 320 kg degë me boçe në proces tharjeje.
Shërbimet e Komisariatit të Policisë Malësi e Madhe gjatë kontrollit në terrenin e njësisë administrative Kastrat gjetën dhe asgjësuan 429 bimë të dyshuara Cannabis Sativa.
Shërbimet e Komisariatit të Policisë Vau i Dejës gjatë kontrollit në terrenin e njësive administrative Shllak dhe Temal gjetën dhe asgjësuan 474 bimë të dyshuara Cannabis Sativa.
Vijon puna për identifikimin, kapjen dhe nxjerrjen përpara përgjegjësisë penale të autorëve të këtyre rasteve të kultivimit të bimëve narkotike.
Operacioni antikanabis “Koordinata” vijon me intensitet të lartë.
Komente
