Banorët e fshatrave Kullaj dhe Dragoç, në njësinë administrative Postribë të Shkodrës protestuan për rrugën, sepse sipas tyre investimi i nisur nga Fondi Shqiptar i Zhvillimit dhe Bashkia Shkodër nuk plotëson standardet.
“Ne duam që rruga të bëhet e gjerë 4 metra dhe të ketë dy korsi. Po e bëjnë shumë ngushtë, nuk ndërrohen dy makina. Nuk duam të hidhet asfalt e të shpenzohen fondet por duam që investimi të bëhet sipas standardeve, të kryhet zgjerimi i rrugës ekzistuese”, thanë ata.
Banorët patën një ballafaqim me administratorin e Njësisë Postribe i cili tha se në këtë zonë po bëhet vetëm riasfaltim i rrugëve rurale dhe nga kontaktet me inxhineret e firmes, gjithçka po behet brenda rregullave.
“Projekti është vetëm për riasfaltim jo për zgjerim të trasesë”, tha Avenir Çela, Administrator i Postribës.
Me një fond 150 mln lekë të Fondit Shqiptar të Zhvillimit po kryhet asfaltimi i 24 rrugëve në fshatrat e Bashkisë së Shkodrës, pjesë e së cilës janë dhe dy fshatrat Kullaj dhe Dragoç.
Komente
