SHKODËR - Policia e Shkodrës ka parandaluar një rast të kalimit të paligjshëm të kufirit. Pasi informacionit për dy shtetas që po transportonin emigrantë për të kaluar kufirin në mënyrë të paligjshme, forcat e rendit kanë ndërhyrë me një operacion të koordinuar në zonën e Urës së Vjetër të Bunës.
D. L., 23 vjeç, banues në Vau të Dejës dhe F. H., 50 vjeç, banues në fshatin Boriç i Madh, janë shpallur në kërkim pasi po transportonin 7 të huaj me një automjet, për t'i kaluar ilegalisht përtej kufirit.
Kur shërbimet e Policisë u bënë shenjë për ndalim, drejtuesi i automjetit, D. L., nuk është bindur dhe u largua me shpejtësi, duke braktisur automjetin së bashku me emigrantët. Pas ndjekjes, policia ka sekuestruar automjetin, një leje drejtimi dhe 7 celularë.
'Specialistët e Seksionit për Hetimin e Trafiqeve të Paligjshme të DVP Shkodër shpallën në kërkim shtetasit:
-D. L., 23 vjeç, banues në Vau të Dejës dhe F. H., 50 vjeç, banues në fshatin Boriç i Madh.
Këta dy shtetas në bashkëpunim me njëri - tjetrin po transportonin 7 shtetas të huaj me qëllim kalimin paligjshëm të kufirit. Në vendin e quajtur Ura e vjetër e Bunës, shërbimet e Policisë i kanë bërë shenjë automjetit të dyshuar se transportonte emigrantë për të ndaluar. Drejtuesi i automjetit, shtetasi D. L., nuk i është bindur urdhrit të Policisë për të ndaluar por ka braktisur automjetin së bashku me emigrantët brenda duke u largua me shpejtësi nga vendi i ngjarjes.', njofton policia.
Vijon puna intensive për kapjen e dy shtetasve të shpallur në kërkim.
Komente
