Policia e Shkodrës ka arrestuar 4 persona 2 prej të cilëve ishin të shpallur në kërkim pasi akuzohen për vepra të ndryshme penale. Një 39-vjeçar nga Egjipti, është kapur në Pikën e Kalimit Kufitar të Muriqanit pasi ka tentuar të urdhëtojë drejt Belgjikës me kartë identiteti spanjolle të falsifikuar.
Një 35-vjeçar është prangosur pasi i ka grabitur portofolin me dhunë një personi tjetër dhe ishte shpallur në kërkim, ndërsa një 21-vjeçar është arrestuar pasi akuzohet se ka futur sende të paligjshme në burg dhe është dënuar me 2 vite.
Sakaq, një 47-vjeçar ka rënë në prangat e policisë pasi akuzohet për dhunë ndaj bashkëshortes së tij.
Njoftimi i Policisë
Nga Seksioni për Hetimin e Krimit Ekonomiko-Financiar në DVP Shkodër u bë arrestimi në flagrancë i shtetasit Ë. M., 39 vjeç, nga Egjipti. Ky shtetas është kapur nga shërbimet e Policisë Kufitare në PKK Muriqan në dalje të Republikës së Shqipërisë pasi ka tentuar të udhëtojë në drejtim të Belgjikës, me kartë identiteti spanjolle të falsifikuar.
Nga Seksioni për Hetimin e Krimit në Komisariatin e Policisë Shkodër u bë ndalimi për veprën penale “Vjedhja” dhe “Plagosja e lehtë me dashje”, i shtetasit B. K., 35 vjeç, banues në lagjen “Naim Gjylbegu”, Shkodër. Ky shtetas ishte i shpallur në kërkim pasi më datë 13.12.2021, ka ka goditur dhe i ka marrë me dhunë portofolin dhe celularin shtetasit K. N.
Gjithashtu po nga Seksioni për Hetimin e Krimit në Komisariatin e Policisë Shkodër u bë ndalimi i shtetasit K. Sh., 21 vjeç banues në Shkodër. Ky shtetas ishte i shpallur në kërkim pasi, Gjykata e Rrethit Gjyqësor Lezhë e ka dënuar me dy vite burg për veprën penale "Futja ose mbajtja e sendeve të ndaluara në IEVP".
Nga Seksioni për Hetimin e Krimit në Komisariatin e Policisë Shkodër u bë arrestimi në flagrancë i shtetasit L. Ç., 47 vjeç, banues në fshatin Shtoj i Vjetër, Shkodër, pasi ka ushtruar dhune fizike dhe psikologjike ndaj bashkëshortes së tij.
Materialet procedurale i kaluan Prokurorisë pranë Gjykatës së Shkallës së Parë Shkodër, për veprime të mëtejshme.
Komente
