Katër banesa u dogjën në lagjen ‘Skënderbeg’ të Shkodrës rreth orës 1 pas mesnate. Flakët nisën në banesën 2-katëshe në pronësi të Lind Todaj, më pas zjarri u përhap duke djegur edhe 3 shtëpitë ngjitur, njëra prej tyre e pa banuar. Banoret kërkojnë ndihmë pasi kanë mbetur në mes të 4 rrugëve.
‘Fle tek një plakë që e mbaj. Veç kur më kanë lajmëruar në 01:30 se është duke u djegur shtëpia. Deri në tre të natës duke salduar rrinë. I ka plas ndonjë oksigjen atje, kanë ikur dritat menjëherë. Flaka e zjarrit na ka djegur shtëpinë, na ka djegur jetën. As pesë minuta nuk kanë vonuar zjarrfikëset’, tha Luçie Kola një nga pronaret e dëmtuara.
Tete anëtarë të këtyre familje kanë mebtur pa strehë dhe kërkojnë ndihmë nga shteti. Shkaku i zjarrit në banesën e familjes Todaj që më pas u përhap dhe tek të tjerat ende nuk dihet. Policia zyrtarisht tha se dyshohet për ngjarje aksidentale me dëme të mëdha materiale. Katër zjarrfikëse punuan rreth 3 orë gjatë natës për të shuar flakët. Ky është zjarri i dytë i madh në Shkodër brenda një kohë të shkuar. Më 14 qershor u dogj tregu i rrobave të përdorura e bashkë me të dhe 5 banesa.
