Foto ilustruese

Sociale

Dy tërmete të njëpasnjëshme regjistrohen në Velipojë të Shkodrës dhe Ulqin! Mbrojtja Civile: Forca 4,1 ballë, nuk ka dëme! Lëkundjet ndjehen në Lezhë dhe Pukë

Dy tërmete të njëpasnjëshme janë regjistruar pranë Shkodrës, me epiqendër në Velipojë dhe Ulqin. Sipas të dhënave paraprake të Institutit të Gjeoshkencave, lëkundjen janë regjistruar në orën 14:39:00, me magnitudë 4.1 të shkallës Rihter. Agjencia Kombëtare e Mbrojtjes Civile mbetet në ndjekje të situatës

24 Janar, 14:56| Përditesimi: 24 Janar, 16:33

  • Share

Shkodër- Dy tërmete të njëpasnjëshme janë regjistruar pranë Shkodrës, me epiqendër në Bushat dhe Ulqin, pasditen e sotme (24 Janar).

Sipas të dhënave paraprake të Institutit të Gjeoshkencave, lëkundjen janë regjistruar në orën 14:39:00, me magnitudë 4.1 të shkallës Rihter.

“Epiqendra u regjistrua në Velipojë, në qarkun e Shkodrës, me një thellësi prej 15.8 km. Lëkundjet janë ndjerë edhe në zonat përreth epiqendrës”, bëhet me dije nga Agjencia e Mbrojtjes Civile, që i referohet të dhënave të IGJ.

Lëkundjet u ndjenë edhe në Pukë dhe Lezhë. Fatmirësisht nuk raportohet për dëme materiale apo viktima. Lëkundjet sizmike janë ndjerë nga banorët e zonave përreth, por situata duket e qetë. Autoritetet po monitorojnë zhvillimet për çdo rast të mundshëm. 

Sipas komunikimeve paraprake me përfaqësuesit e pushtetit lokal, strukturat e mbrojtjes civile të Bashkisë Shkodër dhe Qarkut Shkodër nuk raportohen dëme materiale. Agjencia Kombëtare e Mbrojtjes Civile mbetet në ndjekje të situatës.

Njoftimi i Agjencisë së Mbrojtjes Civile

G.K/A.Q/ReportTv.al
Komento

Komente

  • Sondazhi i ditës:

    PD shpërblen aleatët me 8 mandate të sigurta, si e vlerësoni?