Foto ilustruese

Kronikë

Shkodër/ Gjendet i pajetë brenda makinës së një firme tregtare trupi i 50-vjeçarit! Ja për çfarë dyshohet

Policia vendore konfirmoi ngjarjen e ndodhur në orët e para të mbrëmjes së sotme, në lagjen “Qemal Stafa”. Viktima ndodhej në sedilen e pasagjerit të mjetit të një subjekti tregtar. Nisin hetimet, pritet ekspertiza mjeko-ligjore

12 Korrik, 20:01| Përditesimi: 12 Korrik, 20:07

  • Share

Shkodër- Trupi i një 50-vjeçari është gjetur mbrëmjen e sotme (12 korrik) i pajetë brenda një mjeti, në qytetin e Shkodrës.

Ngjarja ka ndodhur rreth orës 19:15, në lagjen "Qemal Stafa". Burime zyrtare shpjeguan nga hetimet paraprake se “brenda automjetit në pronësi të një subjekti tregtar, në sedilen e pasagjerit, është gjetur pa shenja jete shtetasi E. M., rreth 50 vjeç”.

Policia gjithashtu sqaron se nga veprimet e para dhe këqyrja e kryer, dyshohet se viktima ka pësuar arrest kardiak dhe si pasojë ka humbur jetën.  

Gjithsesi grupi hetimor vijon punën për sqarimin e plotë të rrethanave të rastit, marrjen e dëshmive dhe zbardhjen e shkaqeve pas ekspertimit mjeko-ligjor.

A.Q/ReportTv.al
Komento

Komente

  • Sondazhi i ditës:

    Rama kërkon shkarkimin e administratorëve e nënkryetarëve, si e vlerësoni?