Policia e Shkodrës ka bërë të mundur ndalimin e një personi të shpallur në kërkim pasi ishte dënuar me 5 vite burg nga Gjykata e Shkodrës.
Ai është Valentin Gjeloshi 30 vjeç, banues në lagjen "Skëndërbeg" në Shkodër i dënuar në Janar të këtij viti për prodhim dhe shitje të lëndëve narkotike.
Gjeloshi është arrestuar më herët nga policia në vitin 2015, pas përfshirjes në një konflikt me armë ku mbeten të plagosur dy persona.
Gjatë ngjarjes së ndodhur në një lokal në zonë e njohur si 'Kisha e Madhe" u konfrontuan pronari i tij me disa klientë të cilët në gjendje të dehur po përpiqeshin të futeshin me forcë në ambientet e lokalit.
Gjatë përplasjes mbeti i plagosur pronari i lokalit dhe një nga klientët i cili ishte pikërisht i afërm me Valentin Gjeloshin.
Komente
