Kryetari i ish të përndjekurve politik në Shkodër, Zenel Drangu ka komentuar mosdekretimin e Sandër Lleshit nga presidenti ilir Meta. Kryetari i ish të perndjekurve politikë e konsideroi një fatkeqësi që presidenti në vendin tonë të luajë rolin e opozitës.
Si ministër i Brendshëm për mua ka punuar me ndershmëri dhe përkushtim shumë, dhe ka punuar shumë mirë. Mendoj se dorëheqja e tij ka qenë një presion i bërë, pavarësisht arrestimeve që kanë ndodhur kohët e fundit
Zenel Drangu, kryetari i ish të përndjekurve politik në Shkodër
Ndërkohë për dorëheqjen e Ministrit te Brendshem Fatmir Xhafaj, ai pranoi që si ish i përndjekur e ka patur të veshtirë të jetë në krye të rendit një ish hetues . E megjithatë, ai tha se dorëheqja e tij erdhi si rezultat i punës se mirë dhe presionit që shkaktuan mbi të arrestimet e bujshme.
Mos vendosja e kandidatit që ishte Z. Sandër Lleshi, një figurë shumë e nderuar, më bën ta shoh presidentin të luajë dy role: rolin e presidentit dhe rolin e opozitës. Nuk mendoj që është e drejtë që presidenti të jetë opozitar.
Zenel Drangu, kryetari i ish të përndjekurve politik në Shkodër
Drangu foli dhe për zvarritjen e procesit të dëmshpërblimeve për ish të përndjekurve politikë, që ka krijuar pakënaqësi tek kjo shtresë.
Komente
