Shkodër-Një 44 vjeçare në fshatin Shtoj i Vjetër, të Shkodrës është vendosur në pranga pasi policia i gjeti granata dhe armë në banesë.
Gjatë kontrolleve të kryera në shtëpinë e bashkëshortëve policia në njoftimin e saj informon se janë gjetur 5 granata, 5 ndezës granatash, 1 armë pneumatike, pjesë armësh dhe municion luftarak. Ndërsa në shtëpinë e 72-vjeçarit (babai i të arrestuarës), blutë gjetën një armë gjahu teke.
“U arrestua në flagrancë shtetasja Emirsada Piri, 44 vjeçe, banuese në fshatin Shtoj i Vjetër;
u referuan materialet në Prokurori ku nisi procedimi në gjendje të lirë për shtetasin Xh. P., 72 vjeç, banues në fshatin Shtoj i Vjetër;
u shpall në kërkim shtetasi Dashamir Haruni, 49 vjeç, banues në fshatin Shtoj i Vjetër. Vijon puna për kapjen e tij”, informoi sot policia.
Vijon puna për kapjen e 49 vjeçarit.
Operacioni u kodua “Muzgu”.
Materialet procedurale i kaluan Prokurorisë Shkodër, për veprime të mëtejshme.
Komente
