Mes debateve, Këshilli Bashkiak i Shkodrës ka miratuar buxhetin për vitin 2025. Ka qënë kryebashkiaku Benet Beci, i cili prezantoi para këshilltarëve dhe shkodranëve, vizionin për Shkodrën kryeqendër të rajonit, me investime konkrete, te prekshme çdo dite nga qytetarët, të cilat kapin shifrën e 45 milionë eurove.
“Në pikat kryesore do të jetë ‘Shkodra kryeqendër rajonale’, ‘Projekti i Transformimit të Shkodrës’ dhe ‘Bashkia në Punë’ që janë 3 akset kryesore të diskutuara.
Aktualisht me një mbështetje të fortë nga Qeveria Shqiptare por dhe donatorët ndërkombëtarë , janë në proces rreth 45 milion Euro investime në territorin e bashkise sonë në rrugë, shërbime publike, parqe, kanalizime, kanale kulluese e vaditëse, trotuare e rrugë bicikletash, shkollash, terrenesh sportive, muzeve e godinave kulturore, rikualfikimit të lagjeve e termoizolimit të pallatave, tregjeve, parkimeve e ndricimit publik.”,-tha Beci.
Por pas fjalës së kryebashkiakut, opozita zgjodhi të bllokoi foltoren dhe procedurën standarte të mbledhjes së këshillit bashkiak, çka solli edhe 5 minuta pushim të mbledhjes. Megjithatë pavarësisht pushimit edhe me rifillimin e mbledhjes situata ka qënë e njëjtë. Mes kaosit, kryetari i këshillit bashkiak hodhi në votim buxhetin e vitit 2025-s që ka vlerën e 29 milionë eurove në total, i cili u miratua.
Mirënjohës çdo këshilltari që ka zgjedhur t’i shërbejë Shkodrës me votën pro buxhetit të vitit 2025-së. Do të na lejojë të shumëfishojmë kantieret e punëve gjatë vitit tjetër. Ndjej keqardhje për skenat e pazakonta të disa prej këshilltarve të opozitës të cilët pamundësuan mbajtjen e nje debati normal e demokratik rreth dokumentit më të rëndësishëm të bashkisë , buxhetit. Jam besim plotë se për të mirën e Shkodrës do të mundemi të rigjejmë forcën për bashkëpunim përtej retorikave e ndasive politike., tha Beci.
Kjo është hera e parë që opozita në Shkodër ndërmerr një veprim të tillë duke përdorur të njëjtën skemë si në parlamentin shqiptar, megjithatë ky dokument ka marrë formën e miratimit me 30 vota pro nga këshilltarët e mazhorancës.
Komente
