Shkoder- Një person është plagosur me sende të forta në Shkodër. Ngjarja ka ndodhur pranë kopshtit “Tom Kola” në lagjen Rus.
I plagosuri është dërguar në spital ndërsa policia ka mbërritur në vendngjarje.
Sipas raportimit të gazetarit të Report Tv, Ergys Kavaja, i plagosur ka mbetur Vladimir Bruçi , 62 vjeç i cili është qëlluar me sende të forta nga persona të paidentifikuar. 62-vjeçari është dërguar në spitalin Rajonal të Shkodrës ku po merr ndihmën mjekësore.
'Rreth orës 14:40, në lagjen “Partizani”, dyshohet se gjatë një konflikti, është dëmtuar me sende të forta, në kokë, shtetasi V. B., 62 vjeç, i cili po merr ndihmë mjekësore në Spitalin Rajonal Shkodër.', thuhet ndër të tjera në njoftimin e policisë.
Ndërkohë policia po punon për identifikimin dhe kapjen e autorit/ve.
