Shkodër- Një person i plagosur me armë zjarri ka mbërritur në Spitalin e Shkodrës rreth orës 22:00 të mbrëmjes së sotme (23 Dhjetor).
I plagosuri mësohet se është Arens Beqiri, një i ri 24-vjeçar dhe shkak dyshohet se është bërë një sherr i tij me një tjetër person.
“Rreth orës 21:55, shtetasi E. Sh., 22 vjeç, dyshohet se ka plagosur me armë zjarri në këmbë A. B., (Arens Beqiri), 24 vjeç, i cili ndodhet jashtë rrezikut për jetën”, bëri me dije policia.
Gazetari i REPORT TV, Ergys Kavaja, informon se shërbimet po vijojnë kontrollet për kapjen e autorit të dyshuar, i shpallur në kërkim për krimin.
“Grupi hetimor në drejtimin e Prokurorisë po punon për zbardhjen e rrethanave dhe dokumentimin ligjor të rastit”, njofton paraprakisht policia vendore.
24-vjeçari mësohet se ka marrë plagë plumbi në këmbë dhe ndodhet nën kujdesin e mjekëve. Ai pritet të japë shpjegime për oficerët dhe hetuesit, për të zbardhur plotësisht krimin dhe motivet.
Komente
