Shkodër- Nuk asgjësuan një sasi të konsiderueshme bimësh narkotike në zonën e Njësisë së Shalës në Shkodër, pezullohen nga detyra me vendim gjykate pasi akuzohen se nuk ka asgjësuar parcelat me kanabis.
6 efektivët kanë gradë nënkomisarë dhe inspektorë të Policisë vendore.
Katër prej tyre janë Inspektorë dhe dy të tjerët Nënkomisarë. Njëri është pjesë e njësisë speciale RENEA, ndërsa akuzohet se veprën penale e ka kryer gjatë kohës që ka qenë me detyrë Shef i Stacionit Policor në Theth. Një tjetër është ekspert kriminalistik pranë policisë së Shkodër, e dy të tjerë janë me detyrë në patrullën e policisë së këtij qyteti.
"Nga hetimet e thelluara disa mujore dyshohet se këta punonjës policie nuk kanë asgjësuar rreth 1000 bimë narkotike, të cilat u gjetën në proces tharje gjatë një operacioni të zhvilluar në Korrik të këtij viti, pavarësisht se janë konstatuar nga ana e tyre gjatë kontrollit të territorit në Njësinë Administrative Shalë, në Shkodër", thuhet ndër të tjera në njoftimin zyrtar të AMP.
Agjencia e Mbikëqyrjes Policore (Rajoni Shkodër-Lezhë) në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Shkodër, ekzekutoi masat e sigurimit personal "Pezullimi i ushtrimit të një detyre a shërbimi publik" dhe "Ndalim i daljes jashtë shtetit" ndaj 6 punonjësve të policisë, të dyshuar për kryerjen e veprës penale “Shpërdorimi i detyrës” e kryer në bashkëpunim.
Komente
Vetem Faik Latifit i kane ra ne qaf se me aq sa e kam njohur si koleg,kurre sdo neglizhonte ose do te behej pjese e ndonje veprimtarie te tille.Punonjes korrekt,stek e vjeter,prej shume kohesh inspektor zone ne nje nga lagjet me te veshtira,Kirasit.Kam rastisur ne disa ngjarje me te kur punoja ne Shkoder,i mprehte dhe me intuit.
PërgjigjuUn kam ber ate reuge nga thethi ne shale. Skandaloze ska pervec kamionave te shkoj njeri edhe 4x4 off road shum te larta. Deri te ambulanca ne shale edhe te pjesa e ures ku doli Alma cupi u lava edhe un aty. Paskan mbjellur pak shum pak per 1000 rrenje si paskan neglizhuar me kaq pak. Atje ska perendi qe te gjen e shkon. Xhungel alla shqiperi atje...