Një 30-vjeçar është pagosur me armë zjarri mbrëmjen e sotme në Shkodër. Raportohet se 30-vjeçari i identifikuar si Ndue Preka, është plagosur në këmbë, por fatmirësisht ndodhet jashtë rrezikut për jetën, në kujdesin e mjekëve në spital.
I plagosuri sipas raportimeve po lëvizte më këmbë kur është qëlluar nga persona të paidentifikuar. Pasi ka marrë ndihmë mjekësore në spital, policia e ka shoqëruar për sqarimin e rrethanave të ngjarjes.
"Rreth orës 22:30, të datës 09.06.2024, në lagjen "Mark Lula", është dëmtuar lehtë në këmbë dyshohet me armë zjarri pistoletë shtetasi N. P., 30 vjeç, i cili pas marrjes së ndihmës mjekësore u shoqërua në Komisariat për sqarimin e rrethanave. Grupi hetimor në drejtimin e Prokurorisë, po punon për zbardhjen e rrethanave dhe dokumentimin ligjor të rastit", njofton policia.
Ende nuk dihen rrethanat e plagosjes me armë zjarri.
K.M//ReportTv.al