Një rast me infeksionin e fruthit është konfirmuar në Shkodër, bëri të ditur sot shefja e Epidemiologjisë, Dhurata Hysa.
Fëmija i infektuar është 4-vjeç i vaksinuar me një dozë, por në gjendje të mirë shëndetësore.
Në qarkun e Shkodrës rreth 13% e fëmijëve janë të pavaksinuar, ndaj epidemiologia u bën apel prindërve t’u bëjnë vaksinat e fruthit.
Hysa tregon se “4-vjeçari po ndiqet nga mjekët dhe familjarët teksa ndodhet në banesën e tij në një gjendje të mirë shëndetësore”.
Ndërkohë shefja Hysa bën të ditur se “në Shkodër vetëm 87% e fëmijëve janë të vaksinuar dhe 13% jo”.
Sipas shefes së epidemiologjisë të gjithë fëmijët e pavaksinuar janë të rrezikuar të infektohen nga fruthi apo viruse të tjera të rrezikshme që mund të kenë edhe pasoja fatale ndaj i bën thirrje për vaksinim.
