SHKODËR - Të shtëna me armë zjarri janë regjistruar mbrëmjen e sotme në fshatin Linaj, njësia administrative Gruemirë, në Bashkinë e Malësisë së Madhe.
Filllimisht u dyshua se ka patur shkëmbim zjarri mes dy personave. Megjithatë menjëherë pas njoftimit në polici rreth orës 20:00, efektivët kanë mbërritur në vendin ku mendohet se ka patur të shtëna.
Është mësuar se kemi të bëjmë me të shtëna me armë zjarri në ajër. Policia ka sekuestruar 4 gëzhoja në cilësinë e provës materiale.
'Rreth orës 20:00, në Sallën operative të Komisariatit të Policisë Malësi e Madhe ka ardhur një telefonatë se në fshatin Gruemirë, është qëlluar me armë zjarri. Me marrjen e njoftimit, shërbimet e Policisë kanë shkuar menjëherë në drejtim të adresës së dhënë. Nga veprimet paraprake të kryera nga grupi hetimor, në rrugën e fshatit Gruemirë janë gjetur e sekuestruar në cilësinë e provës materiale 4 gëzhoja. Po nga verifikimet paraprake nuk ka persona të dëmtuar e as dëme materiale.', njofton policia
Ende nuk dihen motivet, teksa grupi hetimor dhe policia ndodhen në vendin ku janë raportuar të shtënat dhe po kryejnë hetimet e nevojshme
Komente
Tymi ju dalte o budallenj me brire
Përgjigju