Autori i dyshuar për vrasjen e të riut Hermes Beqiri, 20-vjeç, në Shkodër, ngjarje kjo e ndodhur në nëntor 2017 në Shkodër, ndryshon dëshminë përpara trupës gjykuese. Elvis Hoxha, 17-vjeç, mohon të jetë ai autori i dyshuar i krimit. Më herët ai kishte pranuar se e kishte vrarë Beqirin pasi ishte zënë në një bar-kafe për një kapele të cilën ia kishin vënë njëri-tjetrit në kokë.
Hoxha tha se Beqiri e kishte dhunuar, çka kishte bërë që ai të shkonte në shtëpi dhe të merrte armën e zjarrit kallashnikov, me të cilën edhe e ekzekutoi shokun e tij. Në seancën e sotme, Elvis Hoxha deklaron se ka qenë në Malësi të Madhe tek dajat kur ka ndodhur vrasja.
(Autori i krimit, Elvis Hoxha)
Nga ana tjetër, Prokuroria ka kërkuar qelizat telefonike të autorit për të gjetur vendndodhjen e tij në momentin e krimit. Prokuroria ka 10 dëshmitarë, armën e krimit dhe gjurmët e barutit në xhaketën e autorit si dhe përgjimet ambientale Në pranga pas krimit ranë edhe dy shokët e autorit, Ditmir Harifi, dhe Bekim Turishta të cilët akuzohen për “Moskallëzim krimi”.
Hermes Beqiri, i riu që u vra nga Elvis Hoxha
Kronikë
Shkodër/ Vrau Hermes Beqirin për një kapele, autori mohon krimin në gjykatë: Isha te dajat!
18 Korrik 2018, 13:34| Përditesimi: 18 Korrik 2018, 13:58
Mbas ktij gjykimi do zoti e ka radhe tjeter kriminel te gjykohet per vrasjen e djalit te gjykatsit qe po gjykon dhe los me gjakun enje te pa fajshmi
Përgjigju