SHKODER- Aleks Mollzati 21-vjeç, nga Bërdica e Madhe, Shkodër është vënë në prangat e policisë pasi u kap në flagrancë teksa po tentonte të vidhte një banesë në fshatin Bushat në pronësi të 41-vjeçarit, M.L. i cili ndodhet jashtë vendit. Policia njofton se në momentin e ndalimit atij iu sekuestrua një bluzë e zezë, e sajuar si kapuç që mbante në kokë, një palë doreza që mbante në duar dhe një levë hekuri që kishte përdorur për të hapur me thyerje derën e banesës.
"Vijon puna për identifikimin dhe kapjen e bashkëpunëtorëve të tjerë, si dhe dokumentimin e vjedhjeve të tjera të ndodhura në Qarkun e Shkodrës, në të cilat mund të jetë i implikuar ky shtetas.
Materialet iu referuan Prokurorisë së Rrethit Gjyqësor Shkodër, për veprën penale “Vjedhja, e mbetur në tentativë”, njofton policia.
Komente
