Humb jetën si pasojë e koronavirusit drejtori i shkollës Lidhja e Prizrenit në Paskuqan.
Ai rezultoi pozitiv me koronavirus disa ditë më parë ndërkohë u dërgua në Turqi për kurim.
Fatkeqësisht, Dede Malaj, 58 vjeç nuk arriti që të fitojë betejën me pandeminë.
Në shkollë janë marrë disa tampone nga persona që kanë pasur kontakt me drejtorin. Mësohet se edhe nëndrejtoresha ka rezultuar pozitive me koronavirus e cila është vetëkarantinuar.
Kolegët e tij i kanë kushtuar një mesazh prekës. Në faqen zyrtare të shkollës në Facebook i shkruajnë një mesazh ngushëllimi për familjarët e tij.
Postimi në Facebook
Sot humbem nje shok te mire , baba te perkushtuar, e familjar model,nje koleg i palodhur , nje drejtues i perkushtuar ndaj punes e shkolles , e pabesueshme per te gjithe ne dhe ata qe e njohin.Qofsh i xhenetit Dede Malaj! Ngushellime te sinqerta nga kolektivi,prinderit dhe nxenesit e shkolles “Lidhja e Prizrenit “Paskuqan 1. Zoti u dhente force familjareve dhe te afermve per te perballuar kete dhimbje! Te qofte dheu i lehte!
Ndërkohë në drejtori i Zyrës Arsimore të Kamzës dhe dy punonjëse kanë rezultuar pozitive me COVID. Ata janë vetëkarantinuar dhe mësohet se janë në gjendje të mirë shëndetësore.
Lajmi kryesor:
COVID në Shqipëri, rekord rastesh dhe testimesh, 203 të infektuar dhe 1351 tampone, 5 viktima në 24 orë! Ndërron jetë drejtori i shkollës në Paskuqan
E.M./ReportTv.al
