Nxënësit e një fshati në Urën Vajgurore refuzojnë të shkojnë në mësim! Shkolla e tyre është dëmtuar nga tërmeti, ndërsa Bashkia i ka transferuar një shkollë tjetër, prindër e fëmijë protestuan sot duke kërkuar rikonstruksionin e shkollës në Çiflik.
Që në ditët e para të vitit të ri shkollor, nxënësit e fshatit Çiflik në Urën Vajgurore kanë bojkotuar mësimin. Shkolla e tyre "Llambri Mile" është dëmtuar nga tërmeti i 26 nëntorit, ndaj Bashkia i ka transferuar në shkollën "5 Maji".
Të indinjuar, prindër e fëmijë kanë protestuar duke kërkuar që të riparohet shkolla e fshatit.
"Kemi dy ditë që protestojmë për shkollën, se ne nuk mundemi që të çojmë fëmijët në transport 30/40 fëmijë bashkë dhe të vijnë në orët e vona", tha një banor.
"Sipas tyre, edhe shkolla pritëse është e rrënuar, ndërsa transporti është një tjetër problem", tha një prind.
"Unë kam ardhur për të drejtën e fëmijës, për asgjë me shumë, për 5 mure, se në këtë fshat nuk është bërë asgjë, thjesht një shkolle duam, nuk po i kërkojmë asgjë tjetër kryetares", u shpreh një tjetër prind i një fëmijë.
Lidhur me shqetësimin e banorëve të fshatit Çiflik, kryebashkiakja e Urës Vajgurore tha se pret fonde nga Ministria e Financave për rikonstruksionin e shkollës.
"Ne po e lyejmë me boje dhe gëlqere, vetëm shkolla të jetë në funksion dhe nxënësit të mos shkojnë në Urën Vajgurore", tha një banor i zonës
Memaj hodhi poshtë pretendimin e prindërve se edhe shkolla "5 Maji" ku janë transferuar nxënësit është në gjendje të amortizuar.
Komente
