Ka ndërruar jetë në moshën 83 vjeçare ish-diplomati austriak, Albert Rohan, i cili ishte i dërguari i OKB-së në bisedimet për statusin e Kosovës. Sipas mediave austriake diplomati ka ndërruar jetë ditën e sotme në Vjenë.
Albert Rohan ishte një diplomat austriak me karrierë të gjatë në Ministrinë e Jashtme të Austrisë, i cili shkroi planin për pavarësinë e Kosovës.
"Austria ka humbur njërin ndër diplomatët më të profilizuar dhe për mua dhe ministrinë vdekja e Rohan përbën humbje të një njeriu shembull ", ka deklaruar shefi i diplomacisë austriake, Aleksander Shalenberg.
Rohan si diplomat ka kryer detyra me rëndësi, ishte sekretar gjeneral i ministrisë së punëve të jashtme dhe shumë funksioneve ndërkombëtare duke dizajnuar kështu politikën e jashtme të Austrisë.
Rohan në vitin 2006, së bashku me Ahtisarin udhëhoqi bisedimet për statusin e ardhshëm të Kosovës.
Në kumtesën e ministrisë, thuhet se për më shumë se dy dekada ai mori pjesë në formimin e politikës ndaj Ballkanit dhe vendosjen e paqes dhe perspektivës zhvillimore.
Rohan ka hyrë në shërbimin diplomatik të Austrisë në vitin 1963, duke u emëruar ambasador i Austrisë në Londër dhe Beograd.
Në vitin1977 ishte emëruar shef i kabinetit të sekretarit gjeneral të OKB-së Kurt Ëaldheim në Nju Jork.
Ka qenë ambasador në Buenos Ajres dhe vende të tjera deri në vitin 1996, kur u emërua edhe sekretar gjeneral në ministrinë e jashtme.
Rohan rrjedh nga një familje fisnike që ka pasur lidhje edhe me familjen e mbretërisë shqiptare.
Komente
