Një superjaht me vlerë 20 milionë paund, në pronësi manjatit italian, Paolo Scudieri, u përfshi nga flakët në brigjet e një ishulli spanjoll. Anija 45 metër e gjatë u përfshi nga zjarri pasditen e së enjtes në Cala Saona, në perëndim të ishullit mesdhetar të Formenteras, vetëm një muaj pasi iu dorëzua pronarit.
Rojet bregdetare dërguan dy varka shpëtimi në zonë pasi nëntë pasagjerët dhe shtatë anëtarët e ekuipazhit në bordin e “Aria SF” braktisën anijen pas një telefonate në Mayday dhe një tentative të dështuar për të shuar zjarrin. Tymi i zi që shkaktoi zjarri mund të shihej deri në ishullin fqinj të Ibizas por fatmirësisht nuk ka pasur të lënduar.
Komento
