MALLAKASTËR- ‘Shkundeni votën me 25 prill’, kjo ishte thirrja që kishte për banorët drejtuesi politik për Qarkun e Fierit, Enkelejd Alibeaj. Teksa kërkonte votën për 25 prill, Alibeja kishte në krah ish-kryebashkiakun e PD për bashkinë e Mallakastrës, Agron Kapllanaj, i cili po hetohet në prokurori. Sipas tij, në këto zgjedhje duhet votuar për PD në mënyrë që të ulet çmimi i energjisë dhe i naftës dhe të dyfishohet ndihma ekonomike.
“Unë e kam të thjeshtë që të vij këtu në krah të Agronit, e kam të thjeshte edhe në Divjakë, edhe në Roskovec, Patos, Lushnjë, Fier, sepse unë e shoh që njerëzit e kane ndarë mendjen. A nuk ja vlen që në 25 prill vetëm që të ulet çmimi i energjisë, ta bëjmë këto zgjedhje që të votojmë për veten, që të vendoset ndihma ekonomike edhe njëherë, madje të dyfishohet, nuk ja vlen të votojmë në datë 25 prill për të ulur së paku 240 lekë çmimin e naftës”, tha Alibeaj.
Agron Kapllanaj, është i 6 në listën e kandidatëve për deputetë në qarkun e Fierit. Ish-kryebashkiaku i Bashkisë Mallakastër, në vitin 2003 ka qenë i dënuar me burg në Itali, për vjedhje. Kapllanajn nuk e ndalon ligji i dekriminalizimit për të kandiduar, por me vendosjen e tij në listë, Lulzim Basha vë në pikëpyetje kauzën e ‘listave të pastra’.
Komente
Ore nipi ballistit po ky ka ber burg per vjedhje ne itali ate do besh deputet o trap
Përgjigju