LEZHË- Një tragjedi është shmangur në Tale të Lezhës ku një pushues rrezikoi të mbytej.
Ai u nxor nga uji nga pushuesit e tjerë e më pas u mor nga autoambulanca ku po merr ndihmën mjekësore në spitalin rajonal të Lezhës. Sipas të dhënave ka konsumuar shumë ujë dhe ndodhet në gjendje kritike.
Ky është rasti 4 në harkun kohor të 1 jave që ndodh në plazhet e Lezhës.
Kujtojmë se ditën e djeshme humbën jetën 3 persona në plazhin e Vilë Bashtovës në Kavajë.
Si ndodhi tragjedia me 3 të mbytur?
Babai Elvis Halilaj dhe dy djemtë e tij të mitur 13 dhe 17 vjeç, humbën jetën tragjikisht mesditën e së dielës në plazhin e Vilë-Bashtovës. Ata kishin udhëtuar nga Tirana për plazh në fundjavë, ndërsa nuk arritën të dalin dot nga deti për shkak të rrymave të forta detare. Nga sa u raportua babai u fut në det që të shpëtonte dy djemtë e tij të mitur dhe ka mbetur edhe vetë i mbytur. Mësohet se i pari që është mbytur ka qenë djali i vogël, e më pas babai me djalin e madh. Burime për Report TV thanë se të tre viktimat kanë shkuar thellë me not dhe deti ka qenë i trazuar, por në zonë nuk kishte as vrojtues plazhi. Mungesa e rojës bregdetare është shkelje ligjore, gjë që solli edhe arrestimin e 34-vjeçarit Pëllumb Nika. Trupi i parë i pajetë që u nxor nga deti ishte i 50-vjeçarit Elvis Halilaj, më pas kanë nisur kërkimet për gjetjen e trupave të dy fëmijëve të tij të mitur.
Komente
Pas Cucit edhe Manastirliu duhet te shkarkohet. .
PërgjigjuO hajdar a ke vajt ne plazh nonjeher dhe a ja di detit ,me rrymat qe vin deti esht i pabesueshem aty ku ty nuk ta pret mendja dhe afer cektines, e kan veten vet ne for njerzit femijet duhet te jen ne sy te prinderve dhe ata qe nuk din not te mos ikin larg kemi 46 vite qe bejm plazh e dim not shum mir se vim nga vendi i detit te jugut deti do vemendje dhe jo neglizhencë.