TIRANË- Kryetari i Shoqatës Rajonale të Tiranës, Eduard Prodani ka thirrur sot një asamble të jashtëzakonshme ku ka zgjedhur delegatët, të cilët do të votojnë në zgjedhjet 15 marsit për kreun e FSHF-së.
Në asamble nga 41 anëtarë në total, prezentë kanë qenë 21 prej tyre, duke plotësuar kuorumin e nevojshëm për ta zhvilluar asamblenë. Kjo asamble zgjodhi Ergys Kadiun si sekretar i përkohshëm, Alban Miftarin si kryetar i komisionit të verifikimit, si delegatë janë zgjedhur Ergys Kadiu, Adi Balla, Adriatik Delimurati, Xhek Alushi, Alban Miftari dhe Endrit Agushi. Po ashtu Artur Çobani është propozuar për tu zgjedhur kryetar i Komiteti Ekzekutiv.
FSHF pritet të mos i njohë delegatët e zgjedhur ditën e sotme, pasi vetë Armando Duka ka zgjedhur delegatë 24 janar. Por duke qenë se zgjedhjet e Dukës gjykata i ka cilësuar të manipuluara, Prodani me argumentin se kur ndryshohet kryetari duhen zgjedhur edhe delegatët e rinj.
Federata Shqiptare e Futbollit ka njohur zyrtarisht Eduard Prodranin si kryetar të Shoqatës Rajonale të Futbollit të Tiranës, pas vendimit të Gjykatës së Tiranës, e cila e regjistroi zyrtarisht Prodranin si kryetar të ligjshëm të SHRF-së Tiranë.
Kujtojmë që pas vendimit të Gjykatës së Tiranës për shtyrjen e zgjedhjeve për kreun e FSHF-së dhe vendimit për pezullimin e Armand Dukës nga funksionet, kreu i FSHF-së i shtyu zgjedhjet nga data 2 mars në 15 mars.
