Shorti i Conference League në Monaco

Sport

Shorti/ Drita dhe Shkëndija përballen së bashku në Conference League, ndeshjet e plota për 36 skuadrat

29 Gusht, 13:59| Përditesimi: 29 Gusht, 14:31

  • Share

MONACO - 36 skuadrat e Conference League mësuan rivalët për fazën e ligës. Në një minikampionat dhe me pikë, softueri rezervoi duelin mes Dritës dhe Shkëndijës që do luhet në Prishtinë. Dy skuadrat shqiptare për herë të parë janë pjesë e grupit, ndërsa fati e deshi që të ketë një përballje mes tyre.

Sipas koeficientëve të UEFA-s, 36 skuadrat ishin të ndara në gjashtë vazo me nga gjashtë ekipe. Secili klub do përballet me tre rivalë në shtëpi dhe tre në udhëtim.

Drita e Gjilanit luan në shtëpi kundër: AZ Alkmaar, Omonias dhe Shkëndijës, ndërsa në udhëtim me Rayo Vallecano, KuPS Kuopio dhe Shelbourne.

Shkëndija e Tetovës luan në shtëpi me: Slovan Bratislavën, Jagiellonian që eliminoi Dinamon dhe Shelboune, ndërsa në udhëtim përballet me Rayo Vallecanon, Dritën dhe AEK Larnaca.

Klubet që do përfundojnë nga vendi 1-8 do vijojnë më tej garën drejt trofeut, ndërsa ato nga 9-24 do luajnë play-off me sistemin vajtje-ardhje dhe fituesit do u bashkohen tetë të parave. Klubet e renditura në pozitat 25-36 eliminohen.

Finalja e Conference League do zhvillohet të mërkurën, më 27 maj 2026 në 'RB Arena' në Leipzig të Gjermanisë.

Më poshtë të gjithë ndeshjet për 36 skuadrat:

S.Dh/ReportTv.al
Komento

Komente

  • Sondazhi i ditës:

    Ku i kaluat pushimet verore?