Real Madrid, i njohur ndryshe si ‘Mbreti’ i Champions League, pasi eliminoi Manchester Cityn në 1/8 e kompeticionit do të përballet me Atleticon, në atë që cilësohet si derbi i zjarrtë i Madridit. Një përballje plot histori, në një kohë kur Reali e ka mposhtur 2 herë Atleticon në finalen në vitet e fundit, por avantazhi i ekipit të Simeones është se ndeshjen e kthimit do ta luajë në ‘Metropolitano’.
Në 1/8 nuk do të ketë përballje vetëm mes spanjollëve, por edhe mes gjermanëve, teksa Bayern Munchen do diskutojë kalimin në çerekfinale kundër Leverkusen, kampionëve në fuqi të Bundesligës. Shumë i fortë pritet edhe dueli që Paris SG do të ketë me Liverpoolin. Anglezët konsiderohen si favoriti kryesor për të ngritur trofeun e Champions League, por ekipi i Luis Enriques në muajt e fundit ka fituar një formë të frikshme.
Me fat është Interi, që në 1/8 do të përballet me Feyenoord. Holandezët ishin nga skuadrat që konsiderohen të lehta në këtë fazë, por zikaltërit nuk duhet të harrojnë që Feyenoord në ‘play-off’ eliminoi Milanin. Për Arsenalin shorti rezervoi përballjen me PSV-në, ndërsa sfidat e tjera të 1/8 do të jenë Club Brugge-Aston Villa, Dortmund-Lille dhe Benfica-Barcelona. Shorti i kësaj të premte përcaktoi edhe rrugën deri në finalen e 31 majit, ndërsa ndeshjet e para të 1/8 do të luhen me 4-5 mars, ndërsa të kthimit më 11-12 mars.
Komente
Ku e keni barcen me Benfiken
Përgjigju