Shorti i Champions League për fazën e parë me eliminim direkt i hedhur sot në Nyon të Zvicrës ka prodhuar përballje titanësh. Më 18 shkurt do të sfidojnë njëra tjetrën skuadra si Real Madrid dhe Manchester City apo Dortmund me Paris SG.
Këto nuk janë çiftet e vetme që pritet të mbajnë të mbërthyer përpara televizionit miliona telespektatorë, pasi më shumë interes padiskutim do të jetë përballja mes Atletico Madrid dhe Liverpool-it kampion në fuqi. Shorti nuk është treguar zemërgjërë as me Chelsea-s, që llogaritë për të kaluar në turin tjetër duhet t’i bëjë me Bayern Mynchen.
Më me fat kanë qenë dy skuadrat italiane Juventus dhe Atalanta. Kampionët e Italisë në 1/8 do të masin forcat me ekipin e Lyon, ndërsa Atalanta e Gjimshitit ‘peshkoi’ 1 nga 2 kundërshtarët më të lehtë në letër, Valencia-n. Ndryshe paraqitet situata për Napolin e Gatusso-s, që shorti i vendosi si rival Barcelonën, ndërsa për Tottenham-in e Mourinho-s goglat përcaktuan si kundërshtar Leipzig.
Dortmund vs Paris SG
Real Madrid vs Manchester City
Atalanta vs Valencia
Atletico Madrid vs Liverpool
Chelsea vs Bayern Mynchen
Lyon vs Juventus
Tottenham vs Leipzig
Napoli vs Barcelona
Komente
Atletico do i ..... motrën Liverpulit!
Përgjigju