Ndër protagonistët kryesorë të kualifikuesve të “Euro2024” Ylber Ramadani, i cili ka elektrizuar tifozët e Kombëtares Shqiptare me lojën e tij, është shprehur se do preferonte që në Gjermani, Shqipëria të ndeshej me ekipe si Italia, Zvicra apo edhe Gjermania.
Gjatë një konference për mediat para ndeshjes me Bologna-n, mesfushori i Lecce-s u shpreh i bindur se tashmë Kombëtarja është në ekip i fortë dhe premtues.
“Do të më pëlqente të kisha në grup Italinë, Gjermaninë dhe Zvicrën. Është hera e dytë që ne kualifikohemi në një Evropian, është një mundësi e shkëlqyer. Kemi me të vërtetë një skuadër të fortë, kemi 7-8 lojtarë që luajnë në Serie A. Për mua është një ëndërr, që kur isha i vogël kjo ka qenë ëndrra më e madhe”, u shpreh Ramadani.
Por dëshira e mesfushorit kuqezi është e pamundur, pasi Italia dhe Zvicra janë bashkarisht vendosura në vazon e katërt, vetëm me një nga këto dy ekipe mund të përballet.
