Gjykata e Posaçme e Apelit shpalli vendimin për 3 gjyqtarët e Durrësit Petrit Çeno, Klinton Spahiu dhe Petraq Dhimitri të akuzuar për korrupsion. Për ta gjykata e Apelit gjeti prova që faktonin akuzën, por vendosi që ti dënoj me kusht, pasi dënimi është i konvertuar në shërbim prove. Kështu ish-Gjykata për Krime të Rënda i dënoi ata me nga 3 vite burg, për shkak të gjykimit të shkurtuar atyre u ulej 1/3 e dënimit. Shërbim prove është vendosur edhe për biznesmenin Namik Sadik, i akuzuar për korrupsion Aktiv.
Në vendim parashikohet që gjyqtarët të mos ushtrojnë funksione publike për 3 vite ndonëse aktualisht ata janë të pezulluar nga KLGJ. Pavarësisht këtij vendimi gjyqtarët do të vazhdojnë betejën në Apel, pasi vendimi i Gjykatës së Shkallës së parë nuk është i ekzekutueshëm.
Nga provat e administruara nga prokuroria biznesmeni durrsak, Namik Sadik kishte sponsorizuar udhëtime jashtë vendit për gjyqtarët, ku Sadik ishte palë në një proces civil që po shqyrtohej nga ata.
Për këtë ndër provat e paraqitura ishin udhëtimet e gjyqtarëve në të njëjtën kohë me biznesmenin në Itali dhe Spanjë, si dhe biletat që ishin prerë në të njëjtat kompani udhëtimesh si dhe akomodimin. Nga provat rezultoi se gjyqtaret kishin udhëtuar me biznesmenin dhe për të ndjekur ndeshjen mes Real Madrit dhe Barcelonës në tetor 2014.
]
Vendimi i gjykatës
