Gjykata e Durrësit ka vendosur sot masën “Detyrim paraqitje”, për katër ish- punonjës të ALUIZNI-t në Durrës, të cilët do të hetohen në gjendje të lirë.
Ndaj Flamur Gjuzit, ish -kreut të ALUIZNI-t rëndon akuza e shpërdorimit të detyrës dhe e falsifikimit të dokumenteve. Të njëjtat akuza rëndojnë edhe ndaj ish punonjësve Skerdi Bello dhe Elvis Pengili. Personi i katërt nën hetim është edhe Nevjana Isufi, e cila dyshohet si bashkëpunëtore për realizimin e planeve të rilevimit të objekteve.
Në burg ka përfunduar vetëm një nga ish punonjësit, ndërsa një tjetër ndodhet në arrest shtëpie. Të gjashtë këta raportohet se kanë legalizuar një objekti në shkelje në zonën e Ish Kënetës, vendimi i cili i ka vendosur tashmë përballë akuzave të rënda.
Komento