Durrës- Dy të rinj në qytetin e Durrësit janë vendosur në pranga pasi shpërndanin lëndë narkotike në ambiente dhe zona të ndryshme të këtij qyteti.
“Gjatë operacionit, u kapën dhe u arrestuan në flagrancë shtetasit Daljon Barçi, 23 vjeç, dhe Haxhi Qyra, 25 vjeç, të dy banues në Hamallaj, Durrës”, informoi sot policia.
Blutë informojnë gjithashtu se gjatë kontrollit në makinën e tyre gjetën dhe sekuestruan një sasi lëndë narkotike të dyshuara kokainë.
Ndërsa në banesën e 23-vjeçarit u sekuestruan 80 doza të dyshuar kokainë gati për shitje.
Operacioni u kodua "Point Blank".
Materialet procedurale i kaluan Prokurorisë Durrës, për veprime të mëtejshme.
Komento
Komente
