FLORIDA- Pjesa e mbetur e ndërtesës së shembur në Miami është shkatërruar me eksploziv për arsye sigurie, pasi kjo zonë pritet të goditet nga uragani ‘Elsa’ në ditët në vijim. Me frikën se uragani do të godasë në zonë, pjesa e mbetur e ndërtesës u shemb në mënyrë që të mos rrezikohet jeta e grupeve të kërkim shpëtimit.
Kjo pjesë e mbetur e ndërtesës u shpërthye me eksploziv pasi autoritetet u siguruan se nuk ka asnjë person në atë pjesë. Gjithsesi, sipas raportimeve nga mediat e huaja ekipet e kërkimit do të vazhdojnë punën.
Kanë kaluar 12 ditë nga shembja e ndërtesës dhe deri më tani janë konfirmuar 24 viktima, ndërsa 121 persona vijojnë të jenë ende të zhdukur. Ende janë të paqarta shkaqet që kanë çuar në shembjen e ndërtesës, por hetimet po vazhdojnë.
Pamje nga shpërthimi
