Një shpërthim i fuqishëm me pasojë vdekjen e 7 personave, mes tyre 2 fëmijë ka tronditur Francën. Shpërthimi ka ndodhur në një biznes në Saint-Laurent-de-la-Salanque në Pyrenées-Orientales, ndërsa flakët u përhapën në ndërtesat aty pranë.
Sipas mediave, dyshohet se kanë shpërthyer disa bombola gazi, çka kanë shkaktuar përhapjen e flakëve. Trupat e viktimave raportohet se u gjetën nën rrënoja.
Një banor i zonës, thotë se ka dëgjuar shpërthimin e fuqishëm dhe një grua e cila thërriste për ndihmë.
"Një zonjë thirri për ndihmë nga ndërtesa përballë. Kur hapa dritaren dëgjova zërin e saj. Ndërtesat ishin të përfshira nga flakët. Ishte panik total."-thotë Nadine Bret, 59 vjeç.
Ministri i Brendshëm i Francës, Gérald Darmanin, mësohet se ka anuluar një udhëtim të cilin e kishte të planifikuar në agjendë, dhe është nisur drejt vendngjarjes.
