Francë-Një shpërthim ka ndodhur sot në konsullatën ruse në qytetin francez të Marsejës.
Policia franceze nuk ka komentuar menjëherë raportet, megjithëse transmetuesi BFM Marseille Provence tha se zjarrfikësit kanë konfirmuar një incident.
Sipas agjencisë shtetërore ruse të lajmeve TASS, Zëdhënësja e Jashtme ruse, Maria Zakharova, tha se incidenti kishte shenjat e një "sulmi terrorist" dhe kërkoi një hetim të plotë nga autoritetet franceze.
Sipas raportimeve, sulmues të paidentifikuar hodhën dy molotov brenda konsullatës. Pranë vendit të ngjarjes është gjetur edhe një makinë e vjedhur.
Deri më tani nuk raportohet për viktima.
Policia ka rrethuar zonën për zbardhjen e plotë të rrethanave.
Komento
Komente
