Shërbimi Gjeologjik i Shteteve të Bashkuara të Amerikës ka dhënë alarmin për shpërthimin e vullkanit më të madh aktiv në botë, Mauna Loa në Hauaii. Në dy orët e fundit para shpërthimit, u regjistruan dhjetëra tërmete që varionin nga 2.5 në 4.2 ballë të shkallës Rihter.
Shpërthimi filloi rreth orës 11:30 të së dielës mbrëma ndërkohë që shërbimi ka paralajmëruar se erërat mund të bartin gazra vullkanikë.
“Aktualisht, rrjedha e llavës është kufizuar dhe nuk përbën një kërcënim për komunitetet në shpatet e vullkanit”, thuhet në njoftim.
Megjithatë i njëjti shërbim njofton se referuar herëve të kaluara, rrjedha e lavës mund të ndryshojnë me shpejtësi. Observatori i vullkanit të Hauait do të kryejë vëzhgim nga ajri për të vlerësuar karakteristikat e shpërthimit dhe rreziqet e mundshme.
Komente
