Arben Frroku i dënuar me burg përjetë për vrasjen e kryekomisarit Dritan Lamaj në 2013 në Tiranë i ka shpëtuar përfundimisht ekstradimit në Shqipëri ndërsa është dënuar në Holandë me 18 vite burg.
"Bota mund ta shohë këtë si një fitore" tha avokati i tij Gerald Roethof "Por është bërë e qartë se ka pasur një shkelje të të drejtave të njeriut nëse do të kishte ekstradim. Nuk mund të aplikohen të njëjtat vendime të gjykatave të huaja për shtetasit e huaj" tha ai.
Në 12 shkurt të vitit të kaluar Holanda refuzoi ekstradimin e tij në Shqipëri. Sipas vendimit të refuzimit shkak për mos ekstradimin e Arben Frrokut ishte bërë përfshirja e politikës në procesin ndaj tij si dhe rrezikimi i jetës në Shqipëri, pasi ai është i dënuar përjetë për një krim që pretendon që nuk e ka kryer. Për akuzën e vrasjen së Dritan Lamaj Arben Frroku fillimisht mori pafajësi nga Gjykata e Shkallës së Parë për krimet e rënda. Pas këtij vendimi ai u largua nga Shqipëria nëpërmjet Malit të Zi.
Më tej prokuroria ankimoi vendimin dhe Apeli i Krimeve të Rënda e dënoi Arben Frrokut me burgim të përjetshëm duke e ribërë sërish njeriun më të kërkuar për vrasjen e kryepolicit. Prej atij momenti Arben Frroku qëndroi jashtë vendit deri sa u arrestua në Holandë me dokumente false greke. Rekursi i tij në Gjykatën e Lartë dhe Kushtetuese nuk u pranua duke lënë në fuqi dënimin me burg përjetë.
Aktualisht këtë dënim Arben Frroku e ka ankimuar në Gjykatën e Strasburgut. Arben Frroku u vu nën akuzë si personi i dyshuar për vrasjen e Dirtan Lamaj në shkurt të vitit 2013. Ai u arrestua në Greqi dhe më pas u ekstradua në Shqipëri. Kërkesa për ekstradim ishte e dyta ndaj Frrokut ku më parë u miratua ajo drejtuar Greqisë ndërsa kërkesa drejtuar Holandës nëpërmjet Ministrisë së Drejtësisë, u refuzua.
Arben Frroku u bë i njohur edhe për foton me ish-zyrtarët e policisë njohur si tavolina “çiftelia” ku në të bënin pjesë asokohe ish drejtuesit e lartë të policisë së shtetit ndërsa pak javë më vonë Frroku do të prangosej për akuzën e rënda të vrasjes e Lamajt.
Pasaporta e falsifikuar me emrin Renato Xhepa e Arben Frrokut, me te cilen u arratis
Lajmi ne mediat holandeze per Arben Frrokun
Komente
Ne shqipri po ta ky lloj gripi do bej demin Me te madh te njerzit se kemi ilace te skaduara Se
PërgjigjuShqiperia po plackitet nafta kromi energjia cimento
Përgjigju