Florian Kamberi, futbollisti i Hibernian në Skoci, do të ketë të drejtën përfundimisht të përfaqësojë kombëtaren kuqezi.
Burime nga FSHF-ja bëjnë me dije se institucioni i futbollit shqiptar ka fituar të drejtën në FIFA kundrejt Zvicrës që 24 vjeçari të përfaqësojë kombëtaren shqiptare.
Kamberi i cili po spikat në Skoci, u ftua në ndeshjet e nëntorit nga trajneri Edy Reja, por për shkak se nuk e kishte të plotësuar dokumentacionin nuk mundi të debutonte.
Kohët e fundit Zvicra bëri presion mbi lojtarin, për shkak se cilësitë e tij së fundmi janë vënë në pah, por FIFA i ka dhënë të drejtë FSHF, duke qenë se futbollisti ka luajtur vetëm me kombëtaren u-21 të Zvicrës dhe jo me kombëtaren e madhe.
//ReportTv.al
Komento
