Ish-ministri i shëndetësisë, Tritan Shehu përmes një postimi në rrjetin e tij social Facebook ka folur lidhur me situatën e pandemisë në vend.
Sipas tij Shqipëria ka numrin më të lartë të viktimave të personelit mjekësor, duke shtuar se kemi 11 herë më shumë viktima se Italia, 4 here me shume se Maqedonia e Veriut, Serbia, Mali i Zi.
Ai shprehet se në Evropë për shkak të masave të ndërmarra janë minimizuar infektimet e personelit mjekësor me COVID-19, duke e krahasuar me vendin tonë që sipas tij mungojnë.
“Kështu në raport me numrin e mjekëve e të vdekjeve në tërësi, jemi në nivelet më të larta botërore për humbjet e stafit mjekësor e prekjen e tyre.”, shkruan Shehu.
Shehu në postimin ka listuar edhe një serë akuzash ndaj Edi Ramës dhe qeverisë duke i konsideruar përgjegjës që nuk kujdesen për personalet mjekësore.
“Këtij Kryeministri në ikje, më 25 Prill edhe personeli shëndetësor do t’i tregojë se koha e ‘Faraonëve me skllevërit e tyre’ përfundon ne atë datë.”, shkruan ish-ministri i shëndetësisë.
Komente
Sa kohe kemi gjalle e shendoshe e mire nje Tritan Shehu, <<i gatshem per te kontribuar>> si mjek,Shqiperia nuk ka per te ngelur kurre keq per bluza te bardha!
Përgjigju