Shqipëria triumfon në Global CyberDrill 2024, eventin më të madh që organizohet për menaxhimin e adresimin e kërcënimeve kibernetike
Shqipëria zuri vendin e parë në Kompeticionin Global të Sigurisë Kibernetike GISEC, që u zhvillua nga Agjencia e Kombeve të Bashkuara ITU (Unioni Ndërkombëtar i Telekomunikacionit) dhe Këshilli i Sigurisë Kibernetike të Emirateve të Bashkuara Arabe në Dubai.
Ky kompeticion hyri në Librin Guinesss për shkak të numrit të lartë të vendeve pjesëmarrëse, nga ku Shqipëria nxori në pah ekspertizën dhe angazhimin serioz për të adresuar kompleksitetin e sigurisë kibernetike në një botë ku zhvillimet teknologjike kanë një shpejtësi marramendëse.
Përfaqësuesit e Shqipërisë Franc Zylyftari nga AKSHI dhe Adriano Lleshi dhe Ilir Daka nga AKCESK ia dolën që mes 113 shteteve pjesëmarrëse, të vlerësohen si më të mirët!
Ky event tre ditor 23-25 prill 2024 bëri bashkë ekspertë të sigurisë kibernetike, të apasionuar pas teknologjisë dhe institucione publike nga gjithë bota
Konkursi “CyberStars”, ka për qëllim për të inkurajuar kompanitë në zhvillim dhe pioniere në fushën e sigurisë kibernetike.
