Qeveria shqiptare miratoi sot vendosjen e marrëdhënieve diplomatike me Bahamasin. Për zbatimin e këtij vendimi ngarkohet Ministria për Europën dhe Punët e Jashtme.
Ishujt Bahamas ndodhen në juglindje të SHBA-ve, në verilindje të Kubës dhe hyjnë po ashtu në grupin e ishujve të Amerikës Qendrore.
Në tërësi përfshihen më shumë se 700 ishuj, por vetëm 30 prej tyre janë të banuar.
Vendimi i plotë
Në mbështetje të nenit 100 të Kushtetutës dhe të nenit 11, të ligjit nr.23/2015, “Për shërbimin e jashtëm të Republikës së Shqipërisë”, me propozimin e Kryeministrit dhe ministër për Evropën dhe Punët e Jashtme, Këshilli i Ministrave
V E N D O S I:
1. Vendosjen e marrëdhënieve diplomatike, ndërmjet Republikës së Shqipërisë dhe Komonuelthit të Bahamas.
2. Ngarkohet Ministria për Evropën dhe Punët e Jashtme për zbatimin e këtij vendimi.
Ky vendim hyn në fuqi pas botimit në “Fletoren zyrtare”.
Lajmi kryesor: